Украінец хацеў захапіць самалёт, каб ляцець на Алімпіяду
7 лютага пасажыр самалёта, які ляцеў з Харкава ў турэцкі Стамбул, запатрабаваў змяніць курс і ляцець у Сочы.
Мужчына прарываўся ў кабіну пілотаў, ён заяўляў, што на борце ёсць бомба. Як адзначылі сведкі, украінец быў нецвярозы. Экіпаж здолеў самастойна ўтаймаваць “тэрарыста”.
Самалёт між тым удала здзейсніў пасадку ў Стамбуле, яго агледзелі, але ніякай бомбы не знайшлі. Няўдалы захопнік добраахвотна здаўся паліцыі, перадаюць замежныя інфармагенцтвы.
