Украіна замарозіла ўсе кантакты з Беларуссю
![Украіна замарозіла ўсе кантакты з Беларуссю](/sites/default/files/styles/gallery_main/public/2023-08/kulieba-2808.jpg.webp?itok=kMgZjb4Z)
Афіцыйны Кіеў замарозіў усе кантакты з Беларуссю. Такім спосабам Украіна выказала сваё стаўленне да дзеянняў беларускіх уладаў. Пра гэта заявіў міністр замежных спраў Украіны Дзмітрый Кулеба.
"У нас усе працэсы і кантакты з Беларуссю пастаўленыя на паўзу. Мы сочым за развіццём сітуацыі. Калі мы пераканаемся, што гэтыя кантакты не будуць несці ні рэпутацыйных, ні палітычных, ні маральных страт для Украіны, іх адновяць", — прыводзіць hromadske.ua словы кіраўніка ўкраінскай дыпламатыі.
Ён дадаў, што Аляксандр Лукашэнка і Уладзімір Зяленскі апошні раз кантактавалі да выбараў у Беларусі — гэта значыць, да 9 жніўня. Пасля таго кантактаў не было і бліжэйшым часам не плануецца.
Дарэчы, апошні раз Лукашэнка і Зяленскі размаўлялі 5 жніўня. Размова датычыла затрыманых у Беларусі "вагнераўцаў", якіх Украіна прасіла перадаць ім. Але ў выніку ўсе затрыманыя "вагнераўцы" вярнуліся ў Расію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.