Удзень у чацвер у Беларусі будзе без ападкаў

Воблачна з праясненнямі і пераважна без ападкаў чакаецца ў Беларусі ў чацвер, 11 лістапада, паведамляюць сіноптыкі.

Толькі раніцай і днём па поўначы краіны часам пройдуць невялікія дажджы. У начны і ранішні час у асобных раёнах магчымы слабыя туман і галалёд. Вецер паўднёва-заходні, умераны, 4-9 м/с.

Тэмпература паветра па рэспубліцы ноччу складзе ад -4 да +2 градусаў. Днём прагназуецца 2-8 градусаў вышэй за нуль, па паўднёвым захадзе рэспублікі чакаецца да 10 градусаў цяпла.