У Жыткавіцкім раёне дзіцячы садок пераабсталявалі пад казарму
На які тэрмін пасялілі вайскоўцаў, мясцовыя ўлады не ведаюць / vk.com
У Жыткавіцкім раёне ў пасёлку Грабянёўскі дзіцячы садок пераабсталявалі пад казарму. Там размясцілі вайскоўцаў, піша "Флагшток".
"Наш дзіцячы садок спыняе сваё існаванне з 1 верасня. Дзякуй, што былі з намі", — напісала адміністрацыя ўстановы ў сацсетках. Ён існаваў з 1988 года, быў разлічаны на 90 дзяцей. Але апошнім часам была толькі адна група — 13 чалавек. Прычына ў скарачэнні мясцовага насельніцтва.
На які тэрмін і для якіх мэтаў у закрытым дзіцячым садку пасялілі вайскоўцаў, мясцовыя ўлады не ведаюць. Вядома, што ў жніўні ў Жыткавіцкі раён Гомельскай вобласці перадыслакаваліся з іншых рэгіёнаў падраздзяленні Узброеных сіл РБ.
vk.com
