У Жыровіцкім манастыры будзе жыць плямісты алень
Самку муфлона і плямістага аленя падаравалі астравецкія лесаводы Свята-Успенскаму Жыровіцкаму манастыру.
Жывёлы пасяліліся ў заалагічным кутку і будуць радаваць не толькі насельнікаў манастыра, але і шматлікіх пілігрымаў і турыстаў, якія наведваюць Жыровічы.
Гэта не першы выпадак дабрачыннай дапамогі Астравецкага лясгасу праваслаўнай царкве. У кастрычніку на ўездзе ў Астравец з’явіўся шасціметровы драўляны Паклонны крыж у гонар 700-годдзя з дня нараджэння Сергія Раданежскага. Крыж выраблены і ўсталяваны работнікамі лясгасу, піша “Гродзенская праўда”.
