У Віцебску з маршруткі выпала пасажырка
![У Віцебску з маршруткі выпала пасажырка](/sites/default/files/styles/gallery_main/public/2023-08/marszrutka-2008.jpg.webp?itok=JdEBHjka)
Віцебскі гараддзел Следчага камітэта расследуе крымінальную справу пра ДТЗ, у выніку якога пасажырка атрымала цялесныя пашкоджанні.
Здарэнне адбылося 28 чэрвеня 2019 года. 60-гадовы кіроўца маршруткі Mercedes-Benz 22303 Sprinter ехаў па вуліцы Леніна ў Віцебску. Ад'язджаючы ад прыпынку "Плошча Свабоды", мужчына не пераканаўся, што пасажырскія дзверы ў мікрааўтобусе зачыніліся і пасажыры селі. Маршрутка паехала, і 22-гадовая дзяўчына выпала з салона аўтобуса на праезную частку. Пры гэтым яна атрымала цяжкія цялесныя траўмы.
Цяпер следчыя шукаюць сведкаў і відавочцаў аварыі. Іх просяць затэлефанаваць на кругласутачны нумар аператыўна-дзяжурнай службы УСК па Віцебскай вобласці +375 33 399 80 44.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.