У Варшаве шукаюць махляра, які падмяняў злотыя беларускімі рублямі
У Варшаве паліцыя шукае махляра, які папрасіў разбіць яму злотыя на меншыя купюры, а сам падсунуў замест злотых беларускія рублі.
Выпадак адбыўся 12 кастрычніка, каля аднаго з банкаў Варшавы. Махляр папрасіў жанчыну памяняць яму 2 000 злотых на больш дробныя купюры.
Жанчына звярнулася ў банк, каб праверыць ці не з’яўляюцца яны падробкамі. А пасля мужчына выкарыстаўся момантам неўважлівасці жанчыны і падсунуў ёй замест злотых беларускія рублі.
Махляра знялі банкаўскія камеры назірання. Ён знаходзіцца ў вышуку мясцовай паліцыяй, паведамляе рэсурс wawalove.
Фота: wawalove.pl
