Вы тут

У свеце зафіксавана больш за 10 млн выпадкаў COVID-19

Парыжанка ў абарончай масцы / Reuters

28 чэрвеня колькасць пацверджаных выпадкаў COVID-19 у свеце дасягнула 10 млн. Такія дадзеныя ўтрымліваюцца на сайце Універсітэта Джона Хопкінса — аўтарытэтнай пляцоўкі, якая сочыць за распаўсюдам каранавіруснай інфекцыі.

У сусветных лідарах па COVID-19 — ЗША, Бразілія, Расія, Індыя і Вялікабрытанія

У той жа час, амаль 500 тысяч чалавек памерлі ад наступстваў, выкліканых інфекцыяй.

Мільён новых выпадкаў заражэння дадаўся ўсяго за 6 дзён. Планку ў 9 млн каранавірус пераадолеў 22 чэрвеня. Распаўсюд хваробы крыху запаволіўся — папярэдні мільён COVID-19 набраў усяго за пяць дзён.

Аднак навукоўцы і медыкі глядзяць на сітуацыю са стрыманым песімізмам. Яны асцерагаюцца паўторнага вітка хваробы праз тое, што еўрапейскія краіны паступова выходзяць з каранцінаў і адкрываюць межы.

Інфаграфіка з сайта Універсітэта Джона Хопкінса

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.