У Шклове міліцыянт падстрэліў мужчыну, які збег з "хіміі"

У Шклове міліцыянту прыйшлося прымяніць зброю, каб абясшкодзіць мужчыну, што збег з “хіміі”. Здарэнне адбылося 22 лістапада.

Як паведамляе прэс-служба МУС, 21 лістапада ў міліцыю пазваніў мужчына, які паведаміў, што яго сусед спрабуе парэзаць сваю жонку. Міліцыянты, якія прыехалі на месцы здарэння, нападніка не засталі. Апынулася, што муж пацярпелай збег з “хіміі” — выпраўленчай ўстановы адкрытага тыпу. 30-гадовы крыўдзіцель прыехаў дадому, дзе пачаў збіваць сваю жонку. Мужчына, дарэчы, двойчы асуджаны за гвалт у дачыненні 21-гадовай жонкі.

Беглага “хіміка” на наступны дзень выявіў участковы інспектар падчас агляду аднаго з дамоў, дзе меркавана хаваўся уцякач. Той напаў на праваахоўніка, пагражаючы нажом, і спрабаваў завалодаць яго зброяй. Папераджальных стрэлы мужчына праігнараваў. У выніку нападнік быў спынены двума кулямі ў нагу і руку. Інспектар выклікаў медыкаў і спыніў параненаму крывацёк.

На месцы здарэння працавала следча-аператыўная група. У бліжэйшы час дзеянням затрыманага будзе дадзена прававая ацэнка.