У Шчучынскім раёне загінуў матацыкліст — сутыкнуўся з дрэвам

У Шчучынскім раёне загінуў матацыкліст — сутыкнуўся з дрэвам. Мяркуецца, што здарэнне адбылося ўначы. Цела загінулага знайшлі толькі раніцай 6 чэрвеня каля вёскі Вялікае сяло. 39-гадовы мужчына не саўладаў з кіраваннем матацыклам "Мінск" на закругленні дарогі, з'ехаў на абочыну, дзе і сутыкнуўся з дрэвам, інфармуе прэс-служба УДАІ УУС Гродзенскага аблвыканкама.

Адзначаецца, што ў мужчыны не было права кіравання. Раней яго неаднаразова затрымлівалі ДАІшнікі за падобныя парушэнні.