У Салігорскім раёне перакуліўся аўтакран, загінуў пасажыр

У Салігорскім раёне перакуліўся аўтакран МАЗ, загінуў 65-гадовы пасажыр, паведамляе прэс-служба МУС. Здарэнне адбылося ў чацвер на 137-м кіламетры аўтадарогі Мінск — Мікашэвічы.

Па версіі даішнікаў, 19-гадовы кіроўца аўтакрана пры павароце "не ўлічыў асаблівасці транспартнага сродку", у выніку чаго ён перакуліўся. Кіроўца шпіталізаваны.