У Расіі сыноў генпракурора сталі называць ЛСДУ3 і ЙФЯУ9
![У Расіі сыноў генпракурора сталі называць ЛСДУ3 і ЙФЯУ9](/sites/default/files/styles/gallery_main/public/2023-08/954663359fotolia715.jpg.webp?itok=IxAyedNw)
У Расіі сыноў генпракурора Юрыя Чайкі пераназвалі ў ЛСДУ3 і ЙФЯУ9. Раней на Арцёма і Ігара была зарэгістраваная нерухомасць, цяпер жа уласнікамі сталі асобы, імёны якіх закадзіраваныя. Пра гэта паведамляе meduza.io са спасылкай на Фонд барацьбы з карупцыяй Аляксея Навальнага.
Змены ў дакументы ўнесла Федэральная служба дзяржаўнай рэгістрацыі, кадастра і картаграфіі ("Расрэестр"). Фонд барацьбы з карупцыяй апублікаваў прыклады выпісак да і пасля кадзіроўкі імён сыноў генпракурора. Ён лічыць, што гэта было зроблена антызаконна. Гэтая арганізацыя ў канцы 2015 года апублікавала расследаванне пра бізнес сям'і генпракурора Юрыя Чайкі.
![У Расіі сыноў генпракурора сталі называць ЛСДУ3 і ЙФЯУ9](/sites/default/files/paragraphs/image/tablica1.jpg)
Аляксей Навальны нагадвае, што раней з "Расрэестра" знік запіс пра тое, што шыкоўны будынак на Рублёўцы належыць дачцы міністра абароны Расіі Сяргея Шайгу. Таксама знікла інфармацыя пра ўласнікаў кватэры віцэ-прэм'ера Дзмітрыя Рагозіна.
![У Расіі сыноў генпракурора сталі называць ЛСДУ3 і ЙФЯУ9](/sites/default/files/paragraphs/image/ac37b4a3188e49a8b2d13e1bfe0f56de.jpg)