Вы тут

У пятніцу ў Беларусі пройдуць моцныя дажджы

У пятніцу лепш за ўсё захапіць з сабой парасон

У Беларусі на 17 верасня аб'яўлены аранжавы ўзровень небяспекі — чакаецца дажджлівае і ветранае надвор'е, месцамі пройдуць навальніцы, паведамляюць сіноптыкі.

У ноч на пятніцу ў паўднёвых і цэнтральных раёнах, днём па паўднёвым усходзе рэспублікі пройдуць моцныя дажджы. Праліўны дождж чакаецца ўначы і ў сталіцы.

Днём на тэрыторыі краіны будзе воблачна з праясненнямі, пройдуць дажджы і навальніцы, магчымы парывы ​​ветру да 12-14 м/с.

Удзень у Магілёве будзе 9-11 градусаў цяпла, у Віцебску — 12-14 градусаў цяпла, у Гомелі і Гродне прагназуецца 14-16 са знакам "плюс", у Брэсце паветра прагрэецца да 19 градусаў. У Мінску чакаецца 9-11 градусаў цяпла.

Прагноз надвор'я па Беларусі на 17 верасня 2021 года.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.