Вы тут

У Полацку легкавік трапіў пад грузавы цягнік

ДТЗ у Полацку / ДАІ УУС Віцебскага аблвыканкаму

ДТЗ з удзелам грузавога цягніка адбылося ў Полацку 28 кастрычніка а 22-й гадзіне. Падрабязнасці аварыі паведамляе прэс-служба ДАІ УУС Віцебскага аблвыканкама на сваёй старонцы ў сацсетках. 

20-гадовы палачанін на Daewoo Nexia ехаў па вуліцы Гагарына. Ён хацеў праехаць чыгуначны пераезд на чырвоны сігнал святлафора, але не паспеў. У заднюю правую частку аўтамабіля ўрэзаўся грузавы цягнік. Ад удару машыну адкінула на процілеглы бок чыгуначных шляхоў, і яна наляцела на чыгуначны святлафор. 

У выніку ДТЗ дапамога лекараў спатрэбілася пасажырцы з задняга сядзення: 22-гадовую дзяўчыну даставілі ў лякарню. Кіроўцу і яшчэ двух пасажыраў медыкі агледзелі на месцы.

Абставіны ДТЗ удакладняюцца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.