Вы тут

У пералік экстрэмісцкіх матэрыялаў дададзены новы Telegram-канал

Спіс "экстрэмісцкіх матэрыялаў" пастаянна расце / Ілюстрацыйнае фота pixabay.com​​

Інфармацыйная прадукцыя Telegram-канала "Белоруски Борисова" прызнаная экстрэмісцкімі матэрыяламі, паведамляе Генеральная пракуратура.

Падставай для таго, каб інфармацыйная прадукцыя гэтага канала была прызнаная экстрэмісцкай, паслужыла заява пракуратуры Барысаўскага раёна. Суд цалкам яе задаволіў.

Раней у панядзелак па заяве пракуратуры Віцебскай вобласці была прызнаная экстрэмісцкімі матэрыяламі інфапрадукцыя Telegram-канала "Проснись, Беларусь".

У Беларусі прызнаныя "экстрэмісцкімі" больш за дзве сотні Telegram-каналаў і чатаў. Беларускае заканадаўства не забараняе іх чытаць, але МУС папярэджвае аб адказнасці за распаўсюд інфармацыі, якую яны ўтрымліваюць.

Поўны спіс экстрэмісцкіх матэрыялаў прыведзены на сайце Мінінфарма.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.