У педуніверсітэце ў цэнтры Мінска знайшлі снарад часоў вайны
22 красавіка з Беларускага дзяржаўнага педагагічнага ўніверсітэта эвакуявалі студэнтаў і супрацоўнікаў. У каментары Еўрарадыё, студэнты паведамілі, што на заднім двары ў металаломе знайшлі снарад часоў вайны.
Звесткі пра эвакуацыю з будынка на плошчы Незалежнасці ў цэнтры Мінска з'явіліся каля 13:10. Аднак ужо ў 13:40 студэнты знаходзіліся на занятках, ніякага ачаплення ўжо не было.
На месца здарэння выязджала сталічная міліцыя. У Твітары прэс-служба ГУУС Мінгарвыканкама паведаміла, што быў знойдзены снарад часоў Другой сусветнай вайны без выбуховага рэчыва. На месца здарэння былі выкліканыя сапёры.
На цяперашні час жыццю і здароўю людзей нічога не пагражае.
ул. Советская, 18. Найден 76-мм артиллерийский снаряд времен ВОВ без взрывчатого вещества. На месте работают саперы взрывотехнического центра ВВ, сотрудники милиции. Проводилась эвакуация граждан. Жизни и здоровью граждан ничего не угрожает.
— GUVD_Minsk (@GUVD_Minsk) April 22, 2019