У панядзелак у Беларусі пацяплее, будзе амаль без ападкаў

У бліжэйшыя суткі, 13 чэрвеня, у Беларусі чакаецца пераменная хмарнасць, пераважна без ападкаў. Пасля даволі халодных выходных у краіну зноў вернецца цяпло.

Уначы і раніцай у асобных раёнах прагназуецца слабы туман. Вецер будзе няўстойлівы, слабы да ўмеркаванага.

Тэмпература паветра ўначы складзе 3-9 градусаў, месцамі будзе толькі 1-2 градусы вышэй за нуль. Удзень будзе 17-23 градусы цяпла, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.