У Нямеччыне паліцыянты тры гадзіны бегалі за цяжарнай каровай
Цяжарная карова, якая ўцякла з фермы, прычыніла шкоду на суму 25 тысяч еўра нямецкаму гораду Гановер. Карова па імені Ушы пакінула ферму ў панядзелак увечары, прыбегла ў горад і пачала паводзіць сябе агрэсіўна, палохаючы кіроўцаў і пешаходаў. Пяць кіламетраў яе пераследвалі гаспадар, 30 паліцыянтаў і пажарнікаў, а таксама тэлевізійныя брыгады.
Як паведаміў у аўторак прадстаўнік пажарнай аховы, карову, якая на сваім шляху руйнавала ўсе перашкоды, удалося спыніць толькі праз тры гадзіны. Цяпер гаспадару жывёліны давядзецца кампенсаваць страты гораду.
Па матэрыялах Lenta.ru