У Наваполацку студэнт-завочнік скокнуў з моста ў Заходнюю Дзвіну
У Наваполацку студэнт-завочнік скокнуў з моста ў Заходнюю Дзвіну. Здарэнне адбылося ўначы 28 лютага. Малады чалавек атрымаў цяжкія траўмы, але здолеў самастойна выбрацца на бераг. У наваполацкай бальніцы пацярпеламу зрабілі тэрміновую аперацыю, цяпер ён знаходзіцца ў рэанімацыі.
Як паведаміла БЕЛТА афіцыйная прадстаўніца УУС Віцебскага аблвыканкама Вольга Шкуратава, па факце здарэння міліцыя праводзіць праверку.
