У МЗС Беларусі пракаментавалі прысуджэнне Нобелеўскай прэміі міру Бяляцкаму
Прэс-сакратар МЗС РБ Анатоль Глаз / mfa.gov.by
У МЗС Беларусі пракаментавалі прысуджэнне Нобелеўскай прэміі міру беларускаму праваабаронцу і палітвязню Алесю Бяляцкаму. У адказ на пытанне ria.ru, там заявілі, што ў апошнія гады шэраг рашэнняў Нобелеўскага камітэта настолькі палітызаваныя, што "Нобель замучаўся пераварочвацца ў труне".
"Але гэта іх кухня і іх сумленне, мы не хочам у гэта залазіць і нешта каментаваць, — кажа прэс-сакратар Анатоль Глаз. — Мы проста на пэўным этапе страцілі да гэтага ўсякі інтарэс".
Дзяржаўныя СМІ Беларусі маўчаць.
7 кастрычніка стала вядома, што беларускі праваабаронца і палітвязень Алесь Бяляцкі стаў лаўрэатам Нобелеўскай прэміі міру. Ён знаходзіцца за кратамі з ліпеня 2021 года. Лаўрэатаў сёлета трое: акрамя Бяляцкага гэта расійскі цэнтр "Мемарыял" і ўкраінскі Цэнтр грамадзянскіх свабодаў. Дарадцы кіраўніка Офіса прэзідэнта Украіны Міхаілу Падаляку не спадабаўся такі выбар. Украінскія СМІ называюць Бяляцкага праваабаронцам, але не пішуць, што ён палітвязень.
У Нобелівського комітету однозначно цікаве розуміння слова «мир», якщо @NobelPrize разом отримують представники двох країн, що напали на третю. Ані російські, ані білоруські організації так і не змогли організувати спротив цій війні. Нобель цього року просто «супер».
— Михайло Подоляк (@Podolyak_M) October 7, 2022
