У Мінску выйшаў "Еўраслоўнік" Лявона Баршчэўскага на 28 мовах
У Мінску выйшаў "Еўраслоўнік" кандыдата філалагічных навук Лявона Баршчэўскага на 28 мовах.
Гэта 704-старонкавае даведачнае выданне на беларускай, лацінскай, англійскай, балгарскай, венгерскай, грэчаскай, дацкай, ірландскай, ісландскай, іспанскай, італьянскай, латышскай, літоўскай, мальтыйскай, нарвежскай, нідэрландскай, нямецкай, партугальскай, польскай, румынскай, славацкай, славенскай, фінскай, французскай, харвацкай, чэшскай, шведскай, эстонскай мовах, якое ўключае 100 тысяч адзінак перакладу.
У першую частку слоўніка ўвайшлі беларускія лексічныя адзінкі, перакладзеныя на лацінскую і 26 іншых еўрапейскіх моў, у другую — некаторыя лексічныя запазычанні i выклічнікі, у трэцюю — беларуска-лацінскі слоўнічак рэлігійных, біялагічных, медыцынскіх, хімічных і іншых тэрмінаў, а у чацвёртую — некаторыя беларускія прыказкі, прымаўкі і выслоўі. У дадатак да выдання увайшлі колькасныя і парадкавыя лічэбнікі і выкарыстаныя лексікаграфічныя крыніцы.
У найбліжэйшы час у сталіцы мяркуецца шэраг прэзентацый слоўніка, які на гэтым тыдні будзе прадстаўлены Баршчэўскім у структурах Еўрасаюза.
БелаПАН
Гэта 704-старонкавае даведачнае выданне на беларускай, лацінскай, англійскай, балгарскай, венгерскай, грэчаскай, дацкай, ірландскай, ісландскай, іспанскай, італьянскай, латышскай, літоўскай, мальтыйскай, нарвежскай, нідэрландскай, нямецкай, партугальскай, польскай, румынскай, славацкай, славенскай, фінскай, французскай, харвацкай, чэшскай, шведскай, эстонскай мовах, якое ўключае 100 тысяч адзінак перакладу.
У першую частку слоўніка ўвайшлі беларускія лексічныя адзінкі, перакладзеныя на лацінскую і 26 іншых еўрапейскіх моў, у другую — некаторыя лексічныя запазычанні i выклічнікі, у трэцюю — беларуска-лацінскі слоўнічак рэлігійных, біялагічных, медыцынскіх, хімічных і іншых тэрмінаў, а у чацвёртую — некаторыя беларускія прыказкі, прымаўкі і выслоўі. У дадатак да выдання увайшлі колькасныя і парадкавыя лічэбнікі і выкарыстаныя лексікаграфічныя крыніцы.
У найбліжэйшы час у сталіцы мяркуецца шэраг прэзентацый слоўніка, які на гэтым тыдні будзе прадстаўлены Баршчэўскім у структурах Еўрасаюза.
БелаПАН
