У Мінску ў выніку ДТЗ на пешахода ўпала асвятляльная мачта
![У Мінску ў выніку ДТЗ на пешахода ўпала асвятляльная мачта](/sites/default/files/styles/gallery_main/public/2023-08/slup11.jpg.webp?itok=rm40e92q)
У Мінску ў выніку ДТЗ на пешахода ўпала асвятляльная мачта. Здарэнне адбылося ў другой палове дня 26 сакавіка на Старынаўскай вуліцы. Аўтамабіль "Нісан", якім кіравала 20-гадовая дзяўчына, рухаўся ў бок праспекта Незалежнасці. Падчас перабудавання з сярэдняй паласы руху ў крайнюю правую кіроўца не саступіла шлях аўтамабілю "Сааб", які ехаў у спадарожным накірунку. Адбылося сутыкненне, і "Нісан" адкінула на тратуар, дзе ён і збіў асвятляльную мачту.
Як інфармуе прэс-служба сталічнай ДАІ, 72-гадовы мужчына атрымаў траўмы лёгкай ступені цяжкасці, яго адвезлі ў бальніцу. ДАІ праводзіць праверку.
![У Мінску ў выніку ДТЗ на пешахода ўпала асвятляльная мачта](/sites/default/files/paragraphs/image/slup22.jpg)
ДАІ