У Мінску ў кватэры знайшлі труп мужчыны
У Мінску ў кватэры дома па вуліцы Кіжаватава знайшлі труп мужчыны. Як паведамляе Следчы камітэт, цела знайшлі ў ноч на 21 верасня. Памёрламу было 39 гадоў.
Прычыны смерці высветліць судова-медыцынская экспертыза. Папярэдне выявілі, што мужчына злоўжываў алкаголем і памёр ад хваробы. Прыкметаў, якія паказваюць на крымінальны характар гібелі, няма.
Кастрычніцкі раённы аддзел Следчага камітэта праводзіць праверку па гэтым факце. Пазней будзе прынятае працэсуальнае рашэнне.
