У Мінску сёння пройдзе саміт кіраўнікоў краін СНД, без Парашэнкі
У парадку дня разгляд праектаў дакументаў, накіраваных на далейшае развіццё міждзяржаўнага супрацоўніцтва.
Чакаецца падпісанне дамовы аб спыненні дзейнасці Еўразійскай эканамічнай супольнасці, а таксама далучэнне Арменіі да дамовы аб стварэнні Еўразійскага эканамічнага саюза (у траўні яго падпісалі Беларусь, Казахстан і Расія).
Большасць прэзідэнтаў прыляцелі ў беларускую сталіцу напярэдадні. Кіраўніка Расіі Уладзіміра Пуціна чакаюць сёння. А вось украінскі прэзідэнт Пятро Парашэнка не прыляціць. У тэлефоннай размове ён папрасіў Аляксандра Лукашэнку агучыць на саміце ўкраінскую пазіцыю, у тым ліку і па сітуацыі на Данбасе.
Прадстаўляць інтарэсы Украіны на саміце будзе ўкраінскі пасол у Беларусі Міхаіл Ежэль.
Больш падрабязна пра праекты дакументаў саміта гл. тут.
Фота — Fotolia
