У Мінску сілавікі прыходзілі ў Цэнтр экалагічных рашэнняў

У Мінску сілавікі прыходзілі ў Цэнтр экалагічных рашэнняў. У офісе грамадскай арганізацыі на праспекце Машэрава прайшоў ператрус, паведамляе @onlinerby са спасылкай на яе прадстаўнікоў. Была забрана тэхніка. Прычына візіту сілавікоў пакуль невядомая.

"Цэнтр экалагічных рашэнняў" — некамерцыйная няўрадавая ўстанова.

У ліпені 2021-га ў Беларусі адбываецца "зачыстка" грамадзянскай супольнасці, анансаваная міністрам замежных спраў Уладзімірам Макеем, як адказ на санкцыі ЕС.