У Мінску нагу дзіцяці заціснула ў дзвярах аўтобуса, выклікалі ратавальнікаў
Нагу вызвалілі пры дапамозе гідраўлічнага інструмента / mchs.gov.by
У Мінску нагу дзіцяці заціснула ў дзвярах рэйсавага аўтобуса, выклікалі ратавальнікаў і медыкаў. Як паведамляе прэс-служба МНС, здарэнне адбылося ўдзень 20 снежня на вуліцы Жылуновіча. Правая нага 9-гадовай дзяўчынкі аказалася заціснутая паміж дзвярыма і падлогай.
Ратавальнікі пры дапамозе гідраўлічнага інструмента вызвалілі нагу дзіцяці. Дзяўчынку, якая была з маці, аглядалі медыкі. На шчасце, ніякіх траўмаў яна не атрымала.
