У Мінску на машыну "хуткай" са шматпавярховіка звалілася акно
![У Мінску на машыну "хуткай" са шматпавярховіка звалілася акно](/sites/default/files/styles/gallery_main/public/2023-08/chutkaja-2807.jpg.webp?itok=nCdl6LUm)
На машыну хуткай дапамогі ў Мінску з дзявятага паверха звалілася акно. Здарэнне адбылося 28 ліпеня ў Партызанскім раёне сталіцы, піша tut.by.
Паводле інфармацыі мінскай міліцыі, у кватэры дома №19 па вуліцы Фролікава ішоў рамонт. Верагодна, рабочыя кепска ўмацавалі шыбу, і яна паляцела наніз, на прыпаркаваную хуткую дапамогу.
Пацярпелых пры здарэнні няма. Аўтамабіль таксама не атрымаў сур'ёзных пашкоджанняў — толькі драпіны.