У Мінску кітаянка на “Аўдзі” не прапусціла аўтобус, пацярпелі 4 чалавекі (фота)

У Мінску 19-гадовая кітаянка на аўтамабілі “Аўдзі” не прапусціла маршрутны аўтобус, пацярпелі 4 чалавекі. ДТЗ адбылося каля 23-й гадзіны ў панядзелак, 12 лютага. Легкавік паварочваў з Уманскай вуліцы на праспект Дзяржынскага. Траўмы рознай ступені цяжкасці атрымала кіроўца легкавіка, два яе пасажыры (хлопец ва ўзросце 20 гадоў і 19-гадовая дзяўчына) і кіроўца аўтобуса.

Як інфармуе сайт sb.by, у бальніцы высветлілася, што ў кіроўцы-грамадзянкі Кітая пералом, чэрапна-мазгавая траўма. У кіроўцы аўтобуса пашкоджаная мышца. Што да пасажыраў легкавіка, то яны атрымалі нязначныя траўмы.