У Мінску гарэў гарадскі аўтобус (фота)

У Мінску гарэў гарадскі аўтобус “МАЗ-203” (2009 года выпуску). Здарэнне адбылося пасля 5-й гадзіны раніцы на тэрыторыі дыспетчарскай станцыі па вуліцы Ясеніна. Ніхто з людзей не пацярпеў. Як інфармуе прэс-служба МНС, узгаранне было аператыўна ліквідаванае ратавальнікамі. Агонь паспеў пашкодзіць маторны адсек, пацярпеў салон. Мяркуецца, што пажар пачаўся з-за кароткага замыкання электраправодкі.