Вы тут

У Мінску эвакуявалі гандлёвы цэнтр Dana mall

Гандлёвы цэнтр Dana mall / TUT.by

У Мінску эвакуявалі буйны гандлёвы цэнтр Dana mall, перадае TUT.by са словаў відавочцаў.

Людзі кажуць, што праз гукаўзмацняльнікі паведамілі пра пажарную небяспеку і папрасілі пакінуць памяшканне. Да гандлёвага цэнтра пад'ехала машына МНС.

Прэс-служба МУС у сваім Telegram-канале паведаміла, што зранку былі атрыманыя электронныя лісты, у якіх паведамлялася пра мініраванне гэтага гандлёвага цэнтра. 

На мінулым тыдні — 16 і 18 сакавіка — прыходзілі фальшывыя паведамленні пра мініраванне гандлёвых цэнтраў "Замак", "Галілеа" і "Дайманд Сіці" ў Мінску і Мінскім раёне. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.