Вы тут

У Мінску аўтакран наехаў на легкавік з трыма дзецьмі

На месцы здарэння / @gaiminsk

У Мінску аўтакран МАЗ наехаў на легкавік з трыма дзецьмі. Здарэнне адбылося ўдзень 24 сакавіка на Партызанскім праспекце. Як паведамляе ў Telegram прэс-служба сталічнай ДАІ, паводле папярэдняй інфармацыі, 50-гадовы кіроўца аўтакрана рухаўся з боку вуліцы Бехцерава ў бок вуліцы Жылуновіча. Ён няправільна выбраў дыстанцыю, з-за чаго і наехаў на "Ладу", якая спынілася на забараняльны сігнал святлафора.

На шчасце, дзеці (дваім каля 2 гадоў, яны былі ў дзіцячых утрымліваючых прыстасаваннях, аднаму — 11) не пацярпелі. Для агляду іх завезлі ў бальніцу.

На месцы здарэння / @gaiminsk

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.