У мінскім метро з'явіцца новы састаў? (фота)
Фатаздымкі новага саставу з'явіліся ў сацсетках.
У мінскім метро з'явіцца новы састаў — з бела-чорнымі вагонамі. Гэты метрацягнік заўважыў на чыгуначным прыпынку Сцяпянка пад Мінскам Павел Гарбуноў і абнародаваў фота ў сацсетках.
Канструкцыя вагонаў, у адрозненне ад колеру, не змянілася: адрозніваецца форма даху ў вагонаў. Таксама новыя вагоны абсталяваныя кнопкамі адкрыцця дзвярэй — кшталту тых, што стаяць у штадлераўскіх электрычках.
Як удакладнілі чытачы сайта Еўрарадыё, новы цягнік усё ж не будзе хадзіць у Мінску — гэта венгерскі метрацягнік з Будапешта, які вазілі праз Беларусь на мадэрнізацыю ў падмаскоўны завод "Метровагонмаш". Цяпер цягнік вяртаецца ў Венгрыю.
У прэс-службе мінскага метро пацвердзілі, што да сталічнага метрапалітэна гэтыя вагоны ніякага дачынення не маюць.
Это венгерские метровагоны. Первое фото - в Жодино, их везут на модернизацию. Второе - Коссово-Полесское, едут в Брест, чтобы переставиться на колею 1435 мм. pic.twitter.com/3ZEovCRz2h
— не Рон Уизли (@not_RW) April 23, 2018
Такая ліўрэя выкарыстоўваецца ў Будапешце. Вагоны гоняць з падмаскоўскага заводу "Метровагонмаш" у Венгрыю pic.twitter.com/XIWebOHUkw
— Трэцяя лінія (@metro_3d_line) April 23, 2018