У Магілёве з-за пагрозы выбуху эвакуявалі чыгуначны вакзал
Здарэнне адбылося каля 18-й гадзіны ў нядзелю, 5 ліпеня. З будынкаў вывелі 340 чалавек. Выбуховага прыстасавання не знайшлі.
У нядзелю, 5 ліпеня, каля 18-й гадзіны невядомая жанчына паведаміла праз тэлефон, што на чыгуначным вакзале ў Магілёве, нібыта, закладзенае выбуховае прыстасаванне. Адтуль тэрмінова вывелі 340 чалавек, а сярод іх 40 работнікаў. Міліцыянеры ачапілі ўсе тры будынкі — залу чакання, білетныя касы і багажнае аддзяленне. Сапёры правялі праверку, але нічога падазронага не знайшлі.
Цяпер праваахоўнікі шукаюць "тэлефонную тэрарыстку". Адзначаецца, што здарэнне на рух цягнікоў не паўплывала, інфармуе сайт naviny.by.
Фота: masheka.by
