У Літву даставілі турэцкі беспілотнік Bayraktar, прызначаны для Украіны
У Літву даставілі турэцкі баявы беспілотнік Bayraktar, прызначаны для Украіны (ён мае назву "Ястраб"). Пра гэта паведаміў міністр абароны Літвы Арвідас Анушаўскас.
Сродкі на яго сабралі жыхары Літвы. Аднак у выніку турэцкая кампанія Baykar адмовілася прымаць аплату, паабяцаўшы перадаць беспілотнік бясплатна. І слова стрымала. Сабраныя літоўцамі грошы пайшлі на боекамплект для беспілотніка.
Bayraktar прэзентуюць 6 ліпеня на Шаўляйскай авіябазе (мерапрыемства прымяркуюць да ўгодкаў каранацыі Міндоўга). Пасля гэтага ён адправіцца ва Украіну.
