У лагістычным цэнтры ў Брузгах пералічылі мігрантаў, іх стала больш
![У лагістычным цэнтры ў Брузгах пералічылі мігрантаў, іх стала больш](/sites/default/files/styles/gallery_main/public/2023-08/mihr.jpg.webp?itok=8UsJq7Wa)
У лагістычным цэнтры ў Брузгах каля беларуска-польскай мяжы ў чарговы раз пералічылі мігрантаў. Іх аказалася 713, з якіх больш за 270 — дзеці. Дахаты яны вяртацца не хочуць, па-ранейшаму спадзяюцца, што патрапяць у ЕС, паведамляе БЕЛТА.
Мігранты жывуць у лагістычным цэнтры ўжо тры месяцы. Раней іх было значна больш, але некалькі тысяч чалавек вярнуліся ў Ірак. Магчыма, частка мігрантаў малымі групамі нелегальна перайшла ў Польшчу. Яшчэ ў пачатку лютага БЕЛТА паведамляла, што ў цэнтры застаюцца каля 500 мігрантаў, у асноўным курдаў. Атрымліваецца, што за некалькі дзён іх стала больш на дзве сотні?
![У лагістычным цэнтры ў Брузгах пералічылі мігрантаў, іх стала больш](/sites/default/files/paragraphs/image/0000238d52fa194fed661e432587de00339069725075.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.