Вы тут

У кватэры мінскай бабулі знайшлі наркалабараторыю

МУС

На Міншчыне затрыманыя два "плантатары", якія арганізавалі наркалабараторыі. Канфіскавана абсталяванне і больш за 800 грам марыхуаны, інфармуе ў Telegram прэс-служба МУС.

Спачатку міліцыя выйшла на 34-гадовага жыхара сталіцы, які ў Мінскім раёне на прысядзібным участку абсталяваў цяпліцу для вырошчвання канапель. У яго знайшлі каля 370 грам марыхуаны.

Пасля сілавікі зацікавіліся 45-гадовым мінчуком. Ён стварыў невялікую наркалабараторыю ў кватэры сваёй бабулі ў Савецкім раёне. Там налічылі звыш 30 кустоў канопляў, знайшлі каля 450 грам марыхуаны.

Абодва затрыманыя сцвярджаюць, што наркотыкі ім былі патрэбныя для ўласнага спажывання.

МУС

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.