У Кіеве заклікаюць правесці ў Крыме антытэрарыстычную аперацыю

Пра гэта з парламенцкай трыбуны 11 сакавіка заявіў выконваючы абавязкі кіраўніка згаданай фракцыі Сяргей Собалеў.

"Калі Расія вуснамі Пуціна не прызнае, што на тэрыторыі Крыму па-за месцамі дыслакацыі расійскіх войскаў ёсць іншыя фармаванні Расійскай Федэрацыі, гэта азначае, што на тэрыторыі Рэспублікі Крым знаходзяцца тэрарысты і таму павінны быць ужытыя адпаведныя захады па нейтралізацыі гэтых тэрарыстычных бандаў", — цытуе словы Собалева espreso.tv.

Дэпутат таксама адзначыў, што неабходна падтрымаць украінскіх вайскоўцаў, якія знаходзяцца ў заблакаваных часцях у Крыме.

Паводле Сяргея Собалева, міжнароднай падтрымкі замала, "ключавое пытанне — гэта нашыя з вамі дзеянні".

Тым часам Вярхоўная Рада заклікала Расію неадкладна вывесці свае войскі з Крыма, а гарантаў бяспекі — абараніць цэласнасць Украіны. Адпаведную пастанову падтрымалі 263 дэпутаты з 322 прысутных. Украінскі парламент заклікае Вялікабрытанію і ЗША выканаць свае абавязацельствы як краіны-ўдзельніцы Будапешцкага мемарандума. Прычым выкарыстаць не толькі дыпламатычныя, палітычныя і эканамічныя, але і ваенныя меры "для неадкладнага спынення агрэсіі і захавання незалежнасці суверэнітэта і існуючых межаў Украіны".
 

Фота — ria.ru