У Гродне ўначы 20-гадовая дзяўчына скокнула з 5-га паверха
Міліцыя піша, што дзяўчына "ўдала прызямлілася" (ілюстрацыйнае фота) / sb.by
У Гродне ў сераду пасля 2-й гадзіны ночы 20-гадовая дзяўчына скокнула з 5-га паверха. Як паведамляе міліцыя, "па шчаслівай выпадковасці" яна ўдала прызямлілася на казырок пад'езда і засталася жывая.
Пацярпелую завезлі ў бальніцу. Пра матывы яе ўчынку пакуль інфармацыі няма.
Шэсць гадоў таму ў Гродне здарыўся падобны выпадак. Мужчына выпаў з акна і таксама ўпаў на казырок пад'езда. Ён быў п'яны.
