У Гомелі кладаўшчык і кіроўца мясакамбіната скралі больш за 100 кг мяса
![Шкоду прадпрыемству выкрадальнікі пакуль не кампенсавалі / @uvdgomel](/sites/default/files/styles/gallery_main/public/2023-08/dieb_8_09.png.webp?itok=Kznx1_t0)
Шкоду прадпрыемству выкрадальнікі пакуль не кампенсавалі / @uvdgomel
У Гомелі затрымалі двух супрацоўнікаў мясцовага мясакамбіната — кладаўшчыка і кіроўцу. Яны здолелі скрасці і прадаць больш за цэнтнер мяса.
Схема была наступная: прадпрымальныя мужчыны выпісалі для сталовых лішнюю мясную прадукцыю, па дакументах яна затым вярнулася на прадпрыемства. Але напраўду "работнікі прысвоілі 105 кг тавару і прадалі трэцім асобам, прычыніўшы шкоду на суму амаль 1900 рублёў", распавялі ў гомельскай міліцыі.
Справу супраць супрацоўнікаў мясакамбіната распачалі па ч. 2 арт. 211 КК Рэспублікі Беларусь "Прысваенне альбо растрата маёмасці асобай, якой яна даверана, здзейсненае групай асоб па папярэдняй змове". Ім цяпер пагражае ад 2 да 5 гадоў пазбаўлення волі. Шкоду прадпрыемству затрыманыя пакуль не кампенсавалі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.