У чацвер можа з'явіцца новы галоўны трэнер футбольнай зборнай Беларусі

Галоўнага трэнера футбольнай зборнай Беларусі могуць прызначыць у чацвер, 4 снежня. Як стала вядома, у парадак дня заўтрашняга паседжання выканаўчага камітэта Беларускай федэрацыі футбола ўнесенае адпаведнае пытанне.

Як паведамляе прэс-служба БФФ, чальцы выканкама збяруцца заўтра ў Доме футбола а 12-й гадзіне. Мерапрыемства будзе адкрытым для прадстаўнікоў СМІ.

Нагадаем, пасада галоўнага трэнера застаецца вакантнай з 13 кастрычніка, калі Георгій Кандрацьеў пайшоў у адстаўку пасля правальнага старту ў адборы на Еўра-2016. Як нядаўна заявіў намеснік старшыні Беларускай федэрацыі футбола Сяргей Сафар'ян, засталося каля дзесяці прэтэндэнтаў на вакантнае месца (раней іх было каля 30).

Футбольная зборная Беларусі пры Зыгмантовічу паднялася ў рэйтынгу FIFA

Фота — ria.ru