У цэнтры Варшавы падлетку з Беларусі хуліганы зламалі руку
Цімур / Калаж mostmedia.io
У цэнтры Варшавы 15-гадоваму падлетку з Беларусі Цімуру хуліганы зламалі руку. 1 красавіка пасля 15-й гадзіны, калі ён з сябрам-украінцам катаўся на самакаце, да яго ў парку прычапілася кампанія падлеткаў (15-20 чалавек). Хлопцу пагражалі нажом і забралі ключы (яго сябра змог іх забраць назад). Цімура аблілі з пярцовага балончыка, а адзін з нападнікаў пацягнуў яго за заплечнік — ён упаў і зламаў руку, піша mostmedia.io.
На месца выклікалі паліцыю і медыкаў, якія забралі беларуса ў бальніцу.
Апякунка хлопца Ганна Канавалава, маці палітзняволенай Антаніны Канавалавай, шукае сведкаў здарэння. Яна напісала заяву ў паліцыю.
