У цэнтры Мінска з хмарачоса Royal Plaza зваліўся чалавек

25 кастрычніка каля 15-й гадзіны з хмарачоса Royal Plaza на праспекце Пераможцаў у Мінску зваліўся чалавек. 

Паводле непацверджаных звестак, чалавек зваліўся на лабавое шкло машыны і загінуў на месцы. 

Афіцыйна прадстаўніца ўпраўлення Следчага камітэта па Мінску Кацярына Гарлінская напісала ў Фэйсбуку: "Каля 15 гадзін 20 хвілін 25 кастрычніка ля аднаго з бізнес-цэнтраў сталіцы было знойдзена цела мужчыны з прыкметамі падзення з вышыні. Следча-аператыўнай групай праводзіцца агляд месца здарэння, а таксама іншыя неабходныя працэсуальныя дзеянні".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.