У цэнтры Мінска на станцыі "Дружная" знайшлі цела жанчыны

Каля станцыі грамадскага транспарту "Дружная" ў Мінску знайшлі цела жанчыны. Пра гэта агенцтву БЕЛТА распавяла афіцыйная прадстаўніца Следчага камітэта Юлія Ганчарова.

"У Кастрычніцкім раёне Мінска, каля станцыі "Дружная", знойдзена цела жанчыны. На месцы працуе следча-аператыўная група Кастрычніцкага раённага аддзела Следчага камітэта. Праводзіцца агляд месца здарэння, высвятляецца асоба", — заявіла Ганчарова.

Станцыя "Дружная" знаходзіцца ў самым цэнтры Мінска, каля чыгуначнага вакзала.