У Брэсце скралі металічнага зубра

У Брэсце невядомыя скралі металічную скульптуру зубра, паведамляе БЕЛТА.

З заявай у міліцыю звярнуўся 38-гадовы індывідуальны прадпрымальнік. Мужчына расказаў, што быў у ад'ездзе. А пасля вяртання ён пабачыў, што з тэрыторыі прадпрыемства знікла металічная скульптура зубра. Адбылося гэта ўсё 19—20 красавіка.

Прадпрымальнік кажа, што паспеў вырабіць толькі каркас. Даўжыня скульптуры — 3 метры, вышыня — 2,2 метра. Важыць яна 60 кг. Такія скульптуры робяць для дэкору.

Кошт крадзенага ўласнік ацаніў у 800 рублёў.

Брэсцкі міжраённы аддзел Следчага камітэта пачаў крымінальную справу.