У Беларускай федэрацыі барацьбы новы старшыня — Алім Селімаў

Камандар Маджыдаў / zviazda.by
Камандар Маджыдаў / zviazda.by

Пасаду старшыні Беларускай федэрацыі барацьбы заняў Алім Селімаў — двухразовы чэмпіён свету па грэка-рымскай барацьбе, заслужаны майстар спорту Беларусі. Ён змяніў на гэтай пасадзе заслужанага майстра спорту СССР і Беларусі, алімпійскага чэмпіёна Камандара Маджыдава.

Маджыдаў прыйшоў у зборную Беларусі ў пачатку 1980-х, на трэніроўках пазнаёміўся з Юрыем Чыжом — будучым беларускім бізнесменам, якога тады запомніў як "дзябёлага стараннага хлопца". Пра цяпер ужо экс-старшыню федэрацыі кажуць, што апошнім часам ён абараняў барцоў, не згодных з тым, што адбывалася ў Беларусі пасля выбараў.

Зрэшты, барэц просіць не шукаць у яго адстаўцы палітыкі.

— Была канферэнцыя справаздачна-выбарная. І ўсё, выбралі яго [Аліма Селімава. — Еўрарадыё], — распавядае ён Еўрарадыё. Селімаў перамог з перавагай усяго ў тры галасы — 28:25.

В Белорусской федерации борьбы новый председатель — Алим Селимов
Камандар Маджыдаў ў разгар спартыўнай кар'еры / wrestling.by

Еўрарадыё: Камандар Бафаліевіч, як вы лічыце, вам пара ўжо было сыходзіць ці не?

Камандар: Я думаю, што я нямала зрабіў і было ўсё нармальна. Усё было добра, усё рабілася, усё працавала выдатна. Я мог бы і яшчэ працаваць, што мне?

Еўрарадыё: Што зменіцца ў зборнай пасля прыходу Аліма Селімава?

Камандар: Вельмі цяжка сказаць. Я думаю, пакуль што нічога не зменіцца.

Еўрарадыё: У зборнай былі спартсмены, якія адкрыта выказвалі сваю грамадзянскую пазіцыю? Вы абаранялі іх?

Камандар: Не ведаю, можа і былі. Але я, шчыра кажучы, да ўсіх стаўлюся аднолькава. Грамадзянская пазіцыя — гэта іх пазіцыя, гэта не мая пазіцыя. Гэта яны выбіраюць сабе шлях.

В Белорусской федерации борьбы новый председатель — Алим Селимов
Алім Селімаў / wrestling.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі