У Беларусі скарачаецца колькасць занятых у эканоміцы
За студзень колькасць занятых у беларускай эканоміцы скарацілася яшчэ на 11 тысяч чалавек, ілюстрацыйнае фота / Sputnik
Колькасць беларусаў, якія працуюць, працягвае скарачацца, за студзень эканоміка страціла яшчэ 11 тысяч работнікаў. На гэта звярнуў увагу рэсурс "Вашы грошы". Урад спрабуе спыніць адток кадраў з эканомікі, але пакуль беспаспяхова. У новай канцэпцыі міграцыйнай палітыкі на 2024-28 нават намецілі распрацаваць дадатковыя меры "па стымуляванні вяртання беларускіх грамадзян, якія выехалі на працу за межы Рэспублікі Беларусь".
У студзені 2023 года ў эканоміцы краіны было занята 4 мільёны 129 тысяч чалавек. Адначасова ў Беларусі фіксуецца рэкордна нізкае беспрацоўе. Размова ідзе не толькі пра колькасць зарэгістраваных як беспрацоўныя. Але і аб паказчыку, які разлічваецца па міжнароднай метадалогіі.
На зніжэнне колькасці занятых у эканоміцы ўплываюць не толькі дэмаграфія і ад'езд спецыялістаў за мяжу, адзначае рэсурс. Але і асаблівасці беларускага рынку працы — неэфектыўная кадравая палітыка і параўнальна нізкія заробкі.
