У Беларусь прыедзе Федэрыка Магерыні

У Беларусь прыедзе Федэрыка Магерыні

У Беларусь прыедзе вярхоўны прадстаўнік ЕС па замежных справах і палітыцы бяспекі Федэрыка Магерыні. 4-5 кастрычніка ў Мінску пройдзе сустрэча "Усходняга партнёрства" высокага ўзроўню, інфармуе БЕЛТА.

Заснавальнік і дырэктар Савета па міжнародных адносінах "Мінскі дыялог" Яўген Прэйгерман распавёў, што графік не дазволіў Магерыні паўдзельнічаць у форуме "Мінскага дыялогу" "Еўрапейская бяспека: адысці ад краю прорвы", які адкрыецца ў беларускай сталіцы 7 кастрычніка.  

У жніўні тагачасная кіраўніца Прадстаўніцтва ЕС у Беларусі Андрэа Віктарын гаварыла, што разглядалася магчымасць прыезду у Мінск Магерыні для падпісання пагаднення аб спрашчэнні візавага рэжыму. Нядаўна Аляксандр Лукашэнка прыняў рашэнне аб спрашчэнні візавага рэжыму з Еўрасаюзам.

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі