У Беларусь заўтра прыляціць прэзідэнт Малдовы (відэа)
Яго афіцыйны візіт у нашу краіну прызначаны на 16-17 ліпеня.
16-17 ліпеня Беларусь з афіцыйным візітам наведае прэзідэнт Малдовы Нікалай Цімофці.
У Мінску ў яго запланаваныя сустрэчы з Аляксандрам Лукашэнкам у фармаце сам-насам і ў пашыраным складзе. Акрамя таго, Цімофці сустрэнецца з прэм'ер-міністрам Андрэем Кабяковым, старшынёй Савета Рэспублікі Міхаілам Мясніковічам і старшынёй Палаты прадстаўнікоў Уладзімірам Андрэйчанкам. Плануецца, што ў прысутнасці Лукашэнкі і Цімофці ў Мінску будзе падпісаны пакет дакументаў па шэрагу напрамкаў беларуска-малдаўскага супрацоўніцтва.
Нагадаем, кіраўнік Беларусі наведваў Малдову 24-25 верасня 2014 года.
Фота: xpress.by
