У Бабруйску затрымалі рабаўніка, які нападаў на пенсіянераў
![У Бабруйску затрымалі рабаўніка, які нападаў на пенсіянераў](/sites/default/files/styles/gallery_main/public/2023-08/kajdanki_3.jpg.webp?itok=3vV_7OYf)
У Бабруйску затрымалі рабаўніка, які нападаў на пенсіянераў. 33-гадовы жыхар Глускага раёна і да гэтага неаднаразова прыцягваўся да крымінальнай адказнасці за злачынствы супраць маёмасці. Цяпер на яго завялі новую справу, якой займаецца Следчы камітэт.
Як паказала папярэдняе расследаванне, мужчына здзейсніў серыю рабункаў і разбойных нападаў на людзей сталага веку. У некаторых выпадках напады суправаджаліся гвалтам. У пачатку лютага зламыснік, будучы нецвярозым, прыйшоў у дом пенсіянеркі, прыставіў нож да шыі, а затым збіў. Пасля гэтага схапіў яе за валасы і запатрабаваў даць яму грошай і выпіўкі. Агрэсар такім чынам выбіў з пенсіянеркі 500 тысяч рублёў, прывязаў жанчыну да крэсла і збег.
Падобныя злачынствы ён здзейсніў у дачыненні яшчэ траіх пенсіянераў. Праўда, ён скраў невялікія грошы — маёмасная шкода ацэньваецца ў 300 тысяч рублёў.
Цяпер зламыснік змешчаны пад варту, паведамляе сайт Следчага камітэта.