У Бабруйску — зноў ператрусы, затрымалі мясцовую актывістку прафсаюза РЭП

01/10/2021 - 08:53

Зранку 1 кастрычніка ў Бабруйску адбываюцц ператрусы.

Як пішуць праваабаронцы "Вясны", сілавікі прыйшлі да мясцовай актывісткі і кіраўніцы бабруйскай філіі прафсаюза РЭП Галіны Смірновай. Пасля ператрусу жанчыну затрымалі. Праваабаронцы не ведаюць, у рамках якой справы і ў якім статусе затрыманая актывістка.

Верагодна, ператрусы праходзяць у яшчэ некалькіх жыхароў Бабруйска: яны не выходзяць на сувязь.

Тыдзень таму, 24 верасня, у бабруйскіх актывістаў таксама адбыліся ператрусы. Тады сілавікі прыйшлі прыкладна па 10 адрасах. Некалькі чалавек пасля ператрусаў былі забраныя ў міліцыю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.